«Бос орындар жәрмеңкесі»
2025 жылғы 12 қарашада Оңтүстік Қазақстан медицина академиясының өкілдері Шымкент қаласының ішкі саясат және жастар істері жөніндегі басқармасы ұйымдастырған «Бос орындар жәрмеңкесі» іс-шарасына қатысты.
«Жұлдыз» шағынауданының № 94 орта мектебінің ғимаратында өткен іс-шара жас мамандарды жұмыспен қамтуға мүдделі мемлекеттік және жекеменшік ұйымдардың өкілдерін жинады. «ОҚМА» АҚ атынан мансап бөлімінің меңгерушісі Э.Юнусметов және студент-түлектер қатысты.
Қатысудың негізгі мақсаты түлектерді жұмысқа орналастыруға жәрдемдесу, жұмыс берушілермен тікелей байланыс орнату, сондай-ақ студенттерді жұмыспен қамту мүмкіндіктері және жас мамандарды қолдаудың қолданыстағы мемлекеттік бағдарламалары туралы хабардар ету болды.
Жәрмеңке барысында «ОҚМА» АҚ өкілдері мен жұмыс берушілер байланыс орнатып, түлектерді жұмысқа орналастыру мәселелеріндегі өзара іс-қимылдың бағыттары мен ынтымақтастық мүмкіндіктерін талқылады. Студенттер медициналық ұйымдардың өкілдерімен кездесуге және жұмысқа орналасу мәселелерін талқылауға, сондай-ақ өзекті бос жұмыс орындарымен және біліктілік талаптарымен танысуға мүмкіндік алды. Осындай іс-шараларға қатысу Денсаулық сақтау мекемелерімен әріптестік байланыстарды нығайтуға, түлектердің мансабын дамытуға және оларды жұмысқа орналастыруға жәрдемдесу жөніндегі жұмыстың тиімділігін арттыруға ықпал етеді.
