Студенттеріміз жеңіспен оралды

27 қараша күні Ташкент МГМУ базасында “МЕДИЦИНА ВИРТУОЗДАРЫ-2025” практикалық медициналық дағдылар бойынша Халықаралық студенттік олимпиадасы өтті. Іс-шараға әлемнің 20-дан астам жетекші медициналық университеттерінен 230-дан астам студент қатысты. Олимпиада офлайн форматта өткізіліп, қатысушыларға теориялық білімдерімен қатар практикалық дағдыларын да көрсетуге мүмкіндік берді. Біздің ОҚМА-ны 3, 4, 5 және 6 курс студенттерінен құралған тоғыз адамдық команда таныстырды. Әрбір қатысушы жоғары дайындық деңгейін, кәсібилікті және дамуға деген ұмтылысты көрсетті. Сайыс қорытындысы бойынша барлық студенттеріміз дипломдармен марапатталды, бұл олардың мақсаткерлігінің және біздің университеттегі білім сапасының айқын дәлелі болды.

Енді мақтанышпен жеңімпаздарымызды ұсынамыз:
Урманов Д.З., 5 курс, «Педиатрия» мамандығы — «ТЕРАПИЯ» секциясы бойынша ІІ орын.
Ғылыми жетекшісі: м.ғ.д., профессор Бекмурзаева Э.К.

Садықов Б.Б., 5 курс, «Жалпы медицина» мамандығы — «ЖЕДЕЛ ЖӘРДЕМ» секциясы бойынша «Best clinical thinker» номинациясы.
Ғылыми жетекшісі: травматолог-ортопед дәрігер, кафедра ассистенті Дуйсебеков М.Т.

Кураева А.Р., 4 курс, «Педиатрия» мамандығы — «ПАТОЛОГИЯЛЫҚ МЕДИЦИНА» секциясы бойынша «Expert in Medical Theory» номинациясы.
Ғылыми жетекшісі: м.ғ.к., кафедраның міндетін атқарушы доценті Кулбалиева Ж.Ж.

Сагатюк Я.Ю., 5 курс, «Педиатрия» мамандығы — «РЕПРОДУКТИВТІ ДЕНСАУЛЫҚ» секциясы бойынша «Virtuoso of clinical skills» номинациясы.
Ғылыми жетекшісі: м.ғ.к., міндетін атқарушы доцент Жолымбекова Ләйлә Дәулетбекқызы

Садыкова Амина Шамуратовна, 4 курс, «Педиатрия» мамандығы — «ПЕДИАТРИЯ» секциясы бойынша «Best clinical thinker» номинациясы.
Ғылыми жетекшісі: кафедра ассистенті Ашурова С.И.

Сағат А.Ә., 3 курс, «Жалпы медицина» мамандығы — «НЕГІЗГІ МЕДИЦИНА» секциясы бойынша «The Most Erudite Student» номинациясы.
Ғылыми жетекшісі: м.ғ.д., профессор Сейтханова Б.Т.

Байымбетова Ж.Б., 6 курс, «Стоматология» мамандығы — «СТОМАТОЛОГИЯ ЖӘНЕ ЖАҚ-БЕТ ХИРУРГИЯСЫ» секциясы бойынша «The most original solution to situational problems» номинациясы.
Ғылыми жетекшісі: м.ғ.д., кафедра доценті Шукпаров А.Б.

Студенттеріміз университетіміздің намысын абыроймен қорғап, лайықты түрде марапатталды. Біз олардың жетістіктерімен мақтанамыз және ғылыми әрі кәсіби жолдарында толағай табыстар тілейміз!
«ОҚМА» АҚ ректоры Сейтжанова Жанна Серікжанқызына және ОҚМА басшылығына осындай маңызды халықаралық іс-шараға қатысу мүмкіндігін бергені үшін шынайы алғысымызды білдіреміз!