Академиялық Ұтқырлық Шеңберіндегі Клиникалық Фармакологияның Заманауи Аспектілері

Академиялық ұтқырлық бағдарламасы аясында 2026 жылдың 02 мен 13 ақпаны аралығында фармакология, фармакотерапия және клиникалық фармакология кафедрасында медицина ғылымдарының кандидаты, РЖА профессоры Тулеутаева Райхан Есенжанқызы (Семей медицина университеті) болды. Оның жоғары кәсіби мәртебесі «Heart, Vessels and Transplantation» халықаралық журналының редакциялық алқасына мүшелігімен және Дәрілік заттарды ұтымды және қауіпсіз пайдалану коалициясының (CoRSUM) директорлар кеңесіне қатысуымен расталады.
Сапар барысында профессор заманауи медицинаның ең өзекті мәселелеріне арналған тереңдетілген білім беру іс-шараларының сериясын өткізді. Оқыту бағдарламасы «Медицина» білім беру бағдарламасының 5-курс студенттеріне арналған «Клиникалық фармакология» пәні бойынша дәрістер мен практикалық сабақтарды қамтиды; мұнда ұтымды фармакотерапияның іргелі аспектілеріне және дәрілік заттардың қауіпсіздігін егжей-тегжейлі талдауға, соның ішінде жағымсыз әсерлер мен күрделі дәрілік заттардың өзара әрекеттесулерді зерттеуге баса назар аударылды. Микробқа қарсы төзімділіктің жаһандық сын-қатерлері жағдайында бактерияға қарсы және қабынуға қарсы препараттарды қолдану ерекшеліктеріне ерекше көңіл бөлінді.

Сапар академия қабырғасымен ғана шектелген жоқ: Облыстық онкологиялық орталық пен «Саужүрек» орталығының дәрігерлері де оқудан өтті. Рационалды антибиотик терапиясы мәселелерін сараптамалық талдау мамандарға дәрілік заттарды қауіпсіз қолдану принциптерін күнделікті жұмысқа енгізуді талқылауға мүмкіндік берді.
Сонымен қатар, сапар аясында ОҚМА-ның терапия және кардиология кафедрасымен бірлесіп, м.ғ.к., доцент Г.К. Асанованың жетекшілігімен «дөңгелек үстел» өткізілді. Іс-шараға ОҚМА мен ХҚТУ студенттері мен резиденттері, сондай-ақ клиникалық кафедралардың оқытушылары мен практикалық дәрігерлер қатысты. Фармакология, фармакотерапия және клиникалық фармакология кафедрасының базасында өткен іс-шаралар бағдарламасына «Коморбидті пациенттерді клиникалық талдау» интеграциялық семинары және «Созылмалы бүйрек ауруы (СБА) бар пациенттерде дәрілік заттардың дозасын түзету» мастер-класы енді. Бұл білім беру сессиялары қатысушылардың ұтымды және қауіпсіз фармакотерапия саласындағы құзыреттілігін арттыруға бағытталды. Жалпы алғанда, визитинг университеттер арасындағы ғылыми байланыстарды нығайтуға және дәрілік заттарды тиімді қолдану принциптерін шынайы клиникалық практикаға енгізуге ықпал етті.