Академиялық ұтқырлық — жаңа мүмкіндіктер кеңістігі

Академиялық ұтқырлық бағдарламасы аясында Оңтүстік Қазақстан медицина академиясына Түркістан қаласындағы Халықаралық қазақ-түрік университетінің «Медицина» білім беру бағдарламасының 4-курс студенттері келді. Олар фармакология, фармакотерапия және клиникалық фармакология кафедрасында «Клиникалық фармакология» пәні бойынша білім алуда.

Қонақтарға академия бойынша таныстыру экскурсиясы ұйымдастырылды. Студенттер оқу және ғылыми бөлімшелерді аралап, ОҚМА-ның білім беру инфрақұрылымымен және академия ұсынатын мүмкіндіктермен танысты.

Кездесу жылы әрі достық атмосферада өтіп, кәсіби тәжірибе алмасу мен жоғары оқу орындары арасындағы ынтымақтастықты нығайтуға маңызды үлес қосты.