«Емтихан алдындағы мазасыздықты жеңу: сенімділікке бастар жол» тақырыбында танымдық-психологиялық іс-шара өткізілді
2025 жылдың 25 қараша күні Психологиялық қызмет және Қазақстан тарихы және әлеуметтік-қоғамдық пәндер кафедрасы ұйымдастыруымен ВМ-МҚҚА-02-25, ВМ-МҚБ-02-25 топтарында «Емтихан алдындағы мазасыздықты жеңу: сенімділікке бастар жол» тақырыбында танымдық-психологиялық іс-шара өткізілді.
Қазіргі таңда студенттер арасында емтихан алдындағы стресс пен мазасыздық — жиі кездесетін өзекті мәселелердің бірі. Емтихандық мазасыздық – адамның білімін толық көрсетуіне кедергі келтіретін, қобалжуды күшейтетін және ой шоғырлануын төмендететін психологиялық күй.
Осыған байланысты іс-шараның негізгі мақсаты – студенттердің психологиялық сауаттылығын арттыру, емтихан алдындағы қысымның себептерін түсіндіру және мазасыздықты азайтудың тиімді тәсілдерін үйрету болды.
Іс-шара барысында қатысушыларға емтихан мазасыздығының белгілері, оның пайда болуына ықпал ететін факторлар мен психологиялық әсерлері туралы ақпарат берілді.