Мектеп оқушыларына арналған профилактикалық іс-шара өткізді

2026 жылғы 20 ақпанда «Сау ВУЗ, сау қала, сау өңір» ғылыми жобасы аясында «Жалпы практика дәрігері – 2» кафедрасының І-ЖТДО-19-25 және І-ЖТДО-23-25 топтарының 6-курс интерндері Ораза Жандосов атындағы № 30 жалпы орта мектебінде 8 «Б», 8 «В», 9 «В», 9 «Г» және 9 «Д» сынып оқушыларына арналған профилактикалық-ағартушылық іс-шараны дайындап, өткізді.
Ұйымдастырушылар және ғылыми жетекшілер: ассистент Баймұратова Б.Н. және медицина ғылымдарының магистрі Сметова Р.А.
Іс-шараның мақсаты – мектеп оқушыларының салауатты өмір салты қағидаттары туралы хабардарлық деңгейін арттыру, өздерінің физикалық және психикалық денсаулығына жауапкершілікпен қарау дағдыларын қалыптастыру, сондай-ақ денсаулықты сақтау мен нығайтуға ықпал ететін саналы мінез-құлықты таңдауға ынталандыру.

Интерн-спикерлердің баяндамаларының алдында мектеп директоры Сиханбекова Ж.А. құттықтау сөз сөйледі. Сондай-ақ, медицина ғылымдарының магистрі Сметова Р.А. мен ассистент Баймұратова Б.Н. кіріспе сөз сөйлеп, қарастырылып отырған тақырыптардың өзектілігіне және жасөспірімдер арасында салауатты өмір салты мен зиянды әдеттердің алдын алу жөнінде орнықты білім қалыптастыру үшін осындай іс-шараларды өткізудің маңыздылығына тоқталды.

Салауатты өмір салтын насихаттауға бағытталған аталған іс-шара аясында қатысқан интерн-спикерлер мектеп оқушыларына маңызды ақпаратты барынша түсінікті әрі қолжетімді түрде жеткізді. № 1 дәріс «Темекі шегу және оның салдары» – І-ЖТДО-23-25 тобының интерндері Абдумутал С.Р. және Жарылқапова А.Б. № 2 дәріс «Интернет белсенділігінің балалар мен жасөспірімдердің өмір салтына әсері» – І-ЖТДО-19-25 тобының интерндері Алибекова Ж.Р. және Табакова К.Д.

Сонымен қатар, мектеп оқушыларының қызығушылығын арттыру және алынған ақпаратты бекіту мақсатында І-ЖТДО-19-25 тобының интерні Баймхан А.К. интерактивті ойын өткізді.

Аталған іс-шара Ораза Жандосов атындағы № 30 жалпы орта мектебі оқушыларының үлкен қызығушылығын тудырды. Оқушылар зияткерлік ойынға белсенді түрде қатысып, сұрақтар қойды, сондай-ақ сауалнама барысында қойылған сұрақтарға белсенді жауап берді.
Аталған іс-шара белсенді форматта өтті, оқушылар қызығушылық танытты. Мұндай кездесулер профилактикалық маңызы зор болып, олардың өз денсаулығына саналы түрде қарауына және күнделікті өмірде пайдалы әдеттерді қалыптастыруына септігін тигізеді.