Оңтүстік Қазақстан Медицина Академиясының Командасы Анкара Университетіндегі Іссапары

6-8 қазан аралығында Оңтүстік Қазақстан медицина академиясының делегациясы келесі құрамда Анкара университетіне іссапарға барды: «Ғылыми және стратегиялық даму» жөніндегі проректор Аукенов Нурлан Ерденович,  «Докторантура және магистратура» секторының меңгерушісі, «Мейіргер ісі»  білім беру бағдарламасының академиялық комитетінің төрағасы Ходжакулова Умида Абдывалыевна, «Бірлескен білім беру бағдарламаларын әзірлеу» бөлімінің меңгерушісі, «Медицина» білім беру бағдарламасының академиялық комитетінің төрағасы Әуезханқызы Дана.
Бұл іссапар Оңтүстік Қазақстан медицина академиясы мен Анкара университеті арасындағы Қазақстан мен Түркия арасындағы білім беру және ғылыми байланыстарды нығайтуға бағытталған меморандумға қол қоюдағы маңызды қадам болды. 
Бағдарлама аясында Анкара университеті басшылығының өкілдерімен кездесулер өтті, тараптар медициналық білім, ғылым және академиялық ұтқырлық саласындағы өзара іс-қимылға қатысты көптеген мәселелерді талқылады. Бірлескен білім беру бағдарламаларын дамыту, оқытушылар мен білім алушылармен алмасу мәселелеріне, сондай-ақ қазіргі заманғы медицинаның басым бағыттарында бірлескен ғылыми зерттеулер жүргізу перспективаларына ерекше назар аударылды.
Кездесулер барысында екі тараптың делегациялары медициналық кадрларды даярлау сапасын арттыру және білім беру стандарттарын интеграциялау үшін халықаралық әріптестіктің маңыздылығын атап өтті. Оңтүстік Қазақстан медицина академиясы мен Анкара университеті арасындағы ынтымақтастық екі елдің оқытушылары мен зерттеушілері арасындағы озық тәжірибелермен, оқытудағы инновациялық тәсілдермен алмасуға және кәсіби байланыстарды нығайтуға ықпал ететіні атап өтілді. 

Қол жеткізілген уағдаластықтар медицина ғылымы мен білім беруді дамытуға, Қазақстан мен Түркия арасындағы достық қарым-қатынасты нығайтуға бағытталған ұзақ мерзімді және жемісті ынтымақтастық үшін негіз болады деп сенеміз.