«ОҚМА» АҚ «Фармация ғылыми-зерттеу орталығы» ғылыми қызметкерлерінің қатысуымен халықаралық ғылыми-тәжірибелік конференциялар

«ОҚМА» АҚ Фармация ғылыми-зерттеу орталығының ғылыми қызметкерлері фармацевтикалық ғылым мен тәжірибені дамытуға бағытталған халықаралық ғылыми-тәжірибелік конференцияларға белсенді түрде қатысады. Мұндай іс-шараларға қатысу ғылыми тәжірибе алмасуға, шетелдік әріптестермен кәсіби байланыстар орнатуға, сондай-ақ фармация, клиникалық тәжірибе және медициналық технологиялар саласындағы заманауи жетістіктерді енгізуге ықпал етеді.

Орталық қызметкерлері өздерінің ғылыми зерттеу нәтижелерін жүйелі түрде ұсынып, баяндамалар жасайды, пікірталастар мен дөңгелек үстелдерге қатысады. Ұсынылатын жұмыстардың негізгі бағыттарына дәрілік заттарды әзірлеу, фармакологиялық зерттеулер, дәрілік препараттардың сапасын бақылау және қауіпсіздігі жатады. Халықаралық конференцияларға белсенді қатысу орталықтың ғылыми әлеуетін арттырып, оның халықаралық деңгейдегі беделін нығайтады және әлемдік ғылыми қауымдастыққа интеграциялануына ықпал етеді.

«Сандеров оқулары» ғылыми-әдістемелік конференциясына қатысу
«ОҚМА» АҚ Фармация ғылыми-зерттеу орталығының ғылыми қызметкерлерінің онлайн баяндамалары Санкт-Петербург мемлекеттік химия-фармацевтикалық университеті (Санкт-Петербург қ., Ресей) базасында өткен халықаралық қатысуымен «Сандеров оқулары» ғылыми-әдістемелік конференциясы аясында өтті.

Конференция барысында келесі баяндамалар ұсынылды:
•Рахманова Г.С. — «Диабеттік жинақтың химиялық құрамын зерттеу»;
•Рыбакова А.Д. — «Стоматологиялық жинақты фармакогностикалық зерттеу» (постерлік баяндама).

«ОҚМА» АҚ «Фармация ғылыми-зерттеу орталығының» ғылыми қызметкерлері Ресей Федерациясы Денсаулық сақтау министрлігінің Волгоград мемлекеттік медицина университетінің филиалы – Пятигорск медициналық-фармацевтикалық институты (Пятигорск қ., Ресей) базасында өткен, фармацевтика ғылымдарының докторы, профессор, Ресей Федерациясының еңбек сіңірген ғылым қайраткері Дарья Алексеевна Муравьёваға арналған «Заманауи фармакогнозияның өзекті мәселелері» атты халықаралық қатысуы бар Бүкілресейлік ғылыми-тәжірибелік конференция жұмысына қатысты.

Орталықтың ғылыми қызметкерлері онлайн форматта баяндамалар жасады:
•Қаржаубаева А.Д. — «Күлгін шұбаршөп (Saussurea sordida Kar. & Kir.) және альпа шұбаршөбі (Saussurea alpina (L.) DC.) шөптеріндегі флавоноидтарды ЖЭСХ әдісімен анықтау»;
•Қуандық Ә.Т. — «Қалыңгүлді көкжалбыз (Nepeta densiflora) шөбіндегі флавоноидтарды анықтау үшін жұқа қабатты хроматография жүргізу»;
•Баймырзаева А. — «6В10106 – «Фармация» білім беру бағдарламасының 5 курс студенті, Түркістан рауғашы тамырларының құрғақ экстрактісін фитохимиялық талдау (қышқылдық талдау)».

Қаржаубаева Айшабибі Дүйсенбекқызы II дәрежелі дипломмен марапатталды.

«ОҚМА» АҚ «Фармация ғылыми-зерттеу орталығының» ғылыми қызметкерлерінің халықаралық ғылыми-тәжірибелік конференцияларға қатысуы орталықтың ғылыми қызметінің маңызды бағыты болып табылады және ол әлемдік ғылыми кеңістікке интеграциялануға, сондай-ақ заманауи фармацевтикалық ғылымның дамуына ықпал етеді.

Аталған іс-шаралар ғылыми зерттеу нәтижелерін ұсынуға және апробациялауға, озық тәжірибе алмасуға, сондай-ақ жетекші ғалымдар мен ғылыми-зерттеу орталықтарымен тұрақты кәсіби байланыстар орнатуға мүмкіндік береді. Сонымен қатар, конференцияларға қатысу қызметкерлердің ғылыми біліктілігін арттыруға, зерттеу белсенділігін дамытуға және фармацевтикалық тәжірибеге инновациялық тәсілдерді енгізуге ықпал етеді.

Жалпы алғанда, белсенді конференциялық қызмет орталықтың ғылыми әлеуетін нығайтады, оның бәсекеге қабілеттілігін арттырады және фармацевтикалық зерттеулердің халықаралық деңгейде одан әрі дамуына жағдай жасайды.