ҚАСҚАСУ БАЗАСЫНДА "ФАРМАЦИЯ" ФАКУЛЬТЕТІНІҢ 3 КУРС СТУДЕНТТЕРІНІҢ ӨНДІРІСТІК ПРАКТИКАСЫ

3 курс "Фармация" факультетінің В-ФҚАБ-01-22 және В-ФО-02-22 топтарының студенттері 02.06.2025 бастап 13.06.2025 ж. дейін Қасқасу базасында "Фармакогнозия" пәні бойынша өндірістік практикадан өтті.
Тәжірибенің мақсаты - жабайы және мәдени дәрілік өсімдіктер туралы білімді бекіту және тереңдету, дәрілік өсімдіктерден алынған өнімді қолдану мен ресурстарды қорғауды негіздей отырып, дәрілік өсімдік шикізатын дайындау, сақтау және қайта өңдеу мәселелері бойынша білімді қалыптастыру және практикалық дағдыларды жетілдіру болып табылады.
Тәжірибе барысында студенттер осы аймақта, таулы аймақтарда және шалғындарда өсетін дәрілік өсімдіктердің негізгі түрлерімен танысты. Студенттер жинау, алғашқы өңдеу, кептіру, дұрыс сақтау, гербаризациялау, тіршілік формаларын анықтау, морфологиялық сипаттау дағдыларын игеріп, дәрілік өсімдіктердің флористикалық тізімін жасады. Білім алушылар өсімдіктердің вегетациялық кезеңімен, туыстарымен және тіршілік формасымен танысты.

Теориялық білімдері мен практикалық дағдыларын байланыстыра отырып, студенттер күнделікті жұмыс жоспарына сәйкес жұмыс жасады және күнделіктерін уақытында толтырды.
Тәжірибе соңында студенттер өз білімдерін бекітіп, жасаған гербарий үлгілері мен кептірілген дәрілік шикізатты көрсете отырып дифференциалды сынақ тапсырды. Практика барысында студенттер практикалық дағдыларды игеріп қана қоймай, зертханалық сабақта алған теориялық білімдері жоғары деңгейде екенін және практикамен ұштастыра алатынын көрсетті.