«Ұлы Отан соғысының батырлары Рахымжан Қошқарбаев пен Сағадат Нұрмағамбетовтың 100 жылдығына» арналған дөңгелек үстел

2024 жылдың 30 сәуірінде Ұлы Отан соғысының батырлары Рахымжан Қошқарбаев пен Сағадат Нұрмағамбетовтың 100 жылдығына орай "Қазақстан тарихы және әлеуметтік-қоғамдық пәндер" кафедрасының ұйымдастыруымен дөңгелек үстел өткізілді. Биыл Кеңес Одағының Батыры, Халық Қахарманының, тәуелсіз Қазақстанның тұңғыш Қорғаныс министрі, армия генералы Сағадат Нұрмағамбетовтің, сондай-ақ Рейхстагқа Жеңіс туын тіккен Халық Қахарманы Рахымжан Қошқарбаевтың туғанына 100 жыл.
Аталмыш іс шараны шетел студенттері ҚР Әнұранымен бастады.
Дөңгелек үстелге ВМ-ШАВ-11-22 шетел тобының білім алушылары мен кафедра оқытушылары қатысты. Мақсаты: шетел білім алушыларына қазақ ұлтынан шыққан ҰОС Батырларының ерліктерін таныстырып, ҰОС тарихи маңызын ұғындыру. 2 курс шетел студенттері Sheetal және Yahoo Muzzammil Ahmad қос батырлар туралы баяндамаларын қорғап, олардың өмірлері мен ерліктері жайлы дайындаған видео презентацияларын көрсетті.
В-Фөтқ-03-22 тобының білім алушылары Малик Балнұр мен Өтеген Раушан "Катюша" әнін шырқады. Дөңгелек үстел соңында «Қазақстан тарихы және әлеуметтік-қоғамдық пәндер» кафедрасының меңгерушісі Ж.О.Нуржанбаева барлық қатысқан шетел білім алушыларына алғыс айтып, ризашылығын білдірді.