«4 маусым – ҚР Мемлекеттік Рәміздері күні» мерекесіне орай дөңгелек үстел өтті

“Қазақстан тарихы және әлеуметтік-қоғамдық пәндер” кафедрасының доцент м.а. М.У.Турадилов 2 курс “Медицина” БББ білім алушыларымен «4 маусым – ҚР Мемлекеттік Рәміздері күні» мерекесіне орай дөңгелек үстел өткізді. Іс-шараның негізгі мақсаты – студенттердің елдік нышандарға деген құрметін арттыру, мемлекеттік рәміздердің тарихи және құқықтық негіздерін тереңірек түсіндіру, сондай-ақ жас ұрпақтың патриоттық санасын қалыптастыру болды. 

Дөңгелек үстел барысында Қазақстан Республикасының Мемлекеттік Туы, Елтаңбасы және Әнұранының қабылдану тарихы, олардың авторлары мен мән-мағынасы жан-жақты талқыланды. М.У. Турадилов мемлекеттік рәміздердің әрбір элементі елдің тәуелсіздігі мен ұлттық бірегейлігін айқындайтын маңызды құндылық екенін атап өтті.
Студенттер де белсенді қатысып, өз ой-пікірлерін ортаға салды. Олар рәміздердің қоғамдағы рөлі, жастардың патриоттық тәрбиесіндегі маңызы туралы пікір алмасып, сұрақтар қойды. Сонымен қатар, тақырып бойынша шағын баяндамалар мен презентациялар ұсынылды. Іс-шара соңында қатысушылар мемлекеттік рәміздерді құрметтеу – әр азаматтың қасиетті борышы екендігін атап өтіп, осындай тәрбиелік мәні зор кездесулердің маңыздылығына тоқталды. Дөңгелек үстел жоғары деңгейде ұйымдастырылып, студенттердің танымдық қызығушылығын арттыруға және патриоттық сезімін нығайтуға ықпал етті.