Білім алушылармен интеграцияланған медициналық білім беру моделіне көшу мәселелері бойынша түсіндіру кездесуі

Қазақстан Республикасының «Қазақстан Республикасының кейбір заңнамалық актілеріне өзгерістер мен толықтырулар енгізу туралы» Заңын іске асыру аясында медицина факультетінің деканаты декан А.А. Сейдахметованың басшылығымен 1–5 курс студенттерімен ақпараттық-түсіндіру кездесуін өткізді.
Кездесуге «Медицина», «Педиатрия», «Стоматология», «Медициналық-профилактикалық іс» білім беру бағдарламалары бойынша білім алушылар қатысты. Іс-шараның мақсаты студенттердің білім беру процесіндегі өзгерістер мен интеграцияланған медициналық білім беру моделіне көшу шарттары туралы тұтас түсінігін қалыптастыру болды.
Кездесу барысында білім алушыларды интеграцияланған медициналық білім беру моделі бағдарламаларына көшірудің негізгі мәселелері, сондай-ақ оқу процесін ұйымдастыру ерекшеліктері қарастырылды. «ОҚМА» АҚ Академиялық саясатының талаптарына және оларды оқу кезеңінде сақтауға ерекше назар аударылды.
«Қоғамдық денсаулық» (ҚДС) және «Медициналық-профилактикалық іс» білім беру бағдарламаларының студенттеріне МЖМБС-ға енгізілген өзгерістер түсіндірілді.
Білім алушыларға iGPA есептеу тәртібі және студенттерді курстан курсқа көшіру кезіндегі осы көрсеткіштің маңызы егжей-тегжейлі түсіндірілді. Бұл мәселелерді қарастыру білім алушылардың ағымдағы академиялық нәтижелері мен олардың одан әрі білім алу шарттары арасындағы өзара байланысты нақтылауға мүмкіндік берді.
Іс-шараның қорытынды бөлімі білім алушылардың сұрақтарына арналды. Қойылған әрбір сұраққа жан-жақты түсіндірме беріліп, бұл талқыланған өзгерістер мен талаптарды неғұрлым толық түсінуге ықпал етті.