Халықаралық студенттік 80-ші ғылыми-тәжірибелік конференцияда жүлделі орындарды иеленді

2026 жылғы 15–16 мамыр күндері Оңтүстік Қазақстан медицина академиясы ЖТД-2 кафедрасының интерн-дәрігерлері Самарқанд мемлекеттік медицина университеті базасында өткен «Фундаменталды, қолданбалы медицина мен фармация жетістіктері» атты Халықаралық студенттік 80-ші ғылыми-тәжірибелік конференцияға қатысты.
Конференцияға Башқұрт мемлекеттік медицина университеті, Н.Н. Бурденко атындағы Воронеж мемлекеттік медицина университеті, С.Ж. Асфендияров атындағы Қазақ ұлттық медицина университеті және басқа да 47 жоғары оқу орнының білім алушылары мен жас ғалымдары қатысты.
Конференция қорытындысы бойынша:
🥇🏆 Тұрғынов М. — «Балалардағы интернетке тәуелділік» тақырыбындағы баяндамасы үшін I орын иеленді.
🥉🏆 Режеп Ә.Б. — «Энергетикалық сусындардың жүрек-қантамыр жүйесіне әсері» тақырыбындағы ғылыми жұмысы үшін III дәрежелі дипломмен марапатталды.
Ғылыми жетекшілері: ЖТД-2 кафедрасының меңгерушісі, м.ғ.д., профессор Досыбаева Г.Н., медицина ғылымдарының магистрі Тасқынова М.Ә. және Абдиева Б.М.
Халықаралық конференцияға қатысуға қолдау көрсеткен академия ректоры Сейтжанова Жанна Серікжанқызына және интернатура деканы Кемельбеков Қанатжан Сауханбекұлына алғыс білдіреміз!