Іргелі пәндерді интеграциялау: «Фармация» мамандығының 1-курс студенттеріне арналған ашық дәріс

Туребекова «Фармация» мамандығының 1 курс студенттеріне (В-ФО-02-26 тобы) ашық дәріс оқыды. Пәні – «Бейорганикалық химия», тақырыбы: «Ерітінділер туралы ілім. Ерітінділердің коллигативті қасиеттері».
Дәріс барысында ерітінділердің жіктелуі мен концентрациясы, ерігіштігі, коллигативті қасиеттері, осмостық қысымы, изотоникалық, гипотоникалық және гипертониялық ерітінділер қарастырылды. 20% және 5% глюкоза ерітінділерімен және 0,9% орнына 0,3% NaCl қате дайындаумен проблемалық жағдайларды (PBL) тудырды. Осмос, гемолиз және плазмолиз құбылыстарын нақты түсіндірді. Себеп тізбегін құрды: гипотоникалық ерітінді → су эритроциттерге енеді → жасушалар ісінеді → гемолиз қаупі → себеп осмостық қысым айырмашылығымен байланысты. Бұл химия + физиология + фармация интеграциясының жақсы мысалы. Проблемалық жағдайларды пайдалану арқылы логикалық ойлауды дамытуға, теориялық білімді шоғырландыруға және болашақ фармацевтердің кәсіби құзыреттерін қалыптастыруға ықпал етті.
Ашық дәріске "Фармация" факультеті деканының орынбасары фарм.ғ.к., доцент м.а. Сапақбай М.М., кафедра меңгерушісі, профессор м.а. Дәуренбеков Қ.Н. және кафедраның профессорлық-оқытушылық құрамы қатысты және оң бағаларын берді.