Оңтүстік Қазақстан медицина академиясы жұқпалы аурулар кафедрасының жас ғалымдарының инфекционистердің IV Халықаралық Конгресіне қатысуы

2025 жылғы 9–10 қазан күндері Астана қаласында Қазақстан Республикасы Денсаулық сақтау министрлігінің, «Астана медицина университеті» КЕАҚ және «Инфекционистер қоғамы» республикалық қоғамдық бірлестігінің қолдауымен «Жаһандану жағдайындағы жұқпалы аурулар: сын-қатерлер және шешімдер» тақырыбында инфекционистердің IV Халықаралық Конгресі өтті. Аталған конгресс эпидемиологиялық жағдай, жұқпалы ауруларды диагностикалау мен емдеудің заманауи тәсілдері бойынша ұлттық және халықаралық тәжірибе алмасуға арналған ең ірі ғылыми-тәжірибелік алаңға айналды. Жұқпалы аурулар кафедрасының жас ғалымдары жас зерттеушілер секциясында академия атынан жоғары деңгейде қатысып, өз баяндамаларын ашық тыңдалым форматында ұсынып, кәсіби қауымдастық тарапынан үлкен қызығушылық тудырды. 1-курс резиденті Турахметова А. «Білмеушілік – қауіп факторы ретінде: Қырым-Конго геморрагиялық қызбасының отбасылық жағдайлары» тақырыбындағы баяндамасымен ІІ орынға ие болды.
1-курс резиденті Нархалова А. «Тропикалық инфекция – бейтропикалық аймақта: Шымкенттегі безгек» тақырыбындағы баяндамасымен ІІІ орынға ие болды. Бұл жетістіктерге жас ғалымдар кафедраның профессорлық-оқытушылық құрамының ғылыми жетекшілігі мен қолдауының нәтижесінде қол жеткізді.
Ғылыми жетекшілері:
– Жұқпалы аурулар кафедрасының меңгерушісі, профессор Абуова Г.Н.,
– Кафедра доценті, PhD Бердалиева Ф.А.

Студенттеріміз бен олардың ғылыми жетекшілерін лайықты марапаттарымен шын жүректен құттықтаймыз!