«Қазақ тілінің білімпазы» атты олимпиада

2026 жылы 11 маусымда қазақ, орыс және латын тілдері кафедрасының ұйымдастыруымен шетелдік білім алушылар арасында қазақ тіліне деген қызығушылықты арттыру мақсатында «Қазақ тілінің білімпазы» атты олимпиада өткізілді.
Сайыста 1 курс білім алушылары бақ сынады. Байқауды ОҚМА-ның тәрбие жұмысы және әлеуметтік мәселелер жөніндегі проректоры Е.Қ.Сәлім ашып беріп, үміткерлерге сәттілік тіледі. Сайысқа қатысушылардың өнеріне Шымкент қалалық тілдерді оқыту-әдістемелік орталығының қызметкері Жақсыбекова Жансая Мұхтарқызы, ОҚМА-ның медицина факультет деканының орынбасары Дүйсенбаева Меруерт Мейрамбекқызы, жастар саясаты бөлімінің жетекші маманы Дауменова Жанар Тасмұратқызы қазылық етті. Қазылар алқасының шешімімен І орынды «Тіл қазынасы» тобы (Бхатнагар Аниша, Сингх Сатья Пракаш, Суман Саурав Кумар), ІІ орынды «Мықты дәрігерлер» тобы (Тьяги Махи, Критика, Фархан Сед Мохаммад), ІІІ орынды «Болашақ дәрігерлер» тобы (Арбадж, Хан Сахил, Хан Физа) мен «Жұлдыздар» тобы (Али Аамир, Амеен Шаима, Дееп Касаудхан Ванш) иеленді. Сайыс жеңімпаздары дипломмен және байқауға белсене қатысқан «Тату ұжым», «Жас қыран» топтары алғыс хаттармен марапатталып, кафедра атынан ынталандыру сыйлықтары табысталды.