«Қоғамдық денсаулық сақтау» білім беру бағдарламасының 1 курс докторанттарының қатысуымен кезектен тыс семинар
«Қоғамдық денсаулық және денсаулықты сақтау» кафедрасында «Қоғамдық денсаулық сақтау» білім беру бағдарламасының 1 курс докторанттарының қатысуымен кезектен тыс семинар өтті.
Семинар жұмысына кафедра профессоры, ОҚМА университеттік клиникасының жоба жетекшісі Біртанов Елжан Амантайұлы және қауымдастырылған профессор Сарсенбаева Гулзат Жанабайқызымен бірлескен семинар өткізілді. Іс-шара екі өзекті тақырыпты талқылауға арналды:
1. «Медициналық сақтандыру: Қазақстан тәжірибесі және халықаралық модельдер»
2. «Денсаулық сақтауды цифрландыру: жобалардан тұрақты жүйеге көшу»
Семинар барысында Қазақстан Республикасының медициналық сақтандыру жүйесінің даму ерекшелігіне егжей-тегжейлі тоқталып, мінсіз әлеуметтік медициналық сақтандыру ерекшелігі кезеңдерін қарастырды.
Медициналық қызметтерді қаржыландыру, медициналық көмектің қолжетімділігі мен сапасын қамтамасыз етудегі мемлекет пен жеке сектордың рөлі мәселелеріне ерекше назар аударылды.
Сонымен қатар кафедра профессоры Е. А. Біртанов денсаулық сақтауды цифрландыру процестеріне аналитикалық шолу жасады. Ол жеке цифрлық жобалардан денсаулық сақтаудың тұрақты және интеграцияланған цифрлық экожүйесін құруға көшудің маңыздылығын атап өтті. Электрондық денсаулық сақтауды дамыту бағыттары, жасанды интеллектті енгізу, сондай-ақ пациенттердің дербес деректерін қорғау мәселелері қаралды.
Қауымдастырылған профессор Сарсенбаева Гүлзат Жанабайқызы «Қоғамдық денсаулық сақтау» ғылымын дамыту үшін осы бағыттардың маңыздылығын атап өтіп, докторанттардың цифрлық технологиялармен және медициналық сақтандыру жүйесін жетілдірумен байланысты зерттеу жобаларына белсенді қатысу қажеттігін атап өтті.
Докторанттар талқылауға белсенді қатысып, қоғамдық денсаулық сақтауда цифрлық технологияларды қолдану перспективаларына және халықаралық тәжірибені ұлттық жүйеге интеграциялауға байланысты бірқатар сұрақтар қойды.
Семинар докторанттардың ғылыми көкжиегін кеңейтуге, медициналық сақтандыру және денсаулық сақтауды цифрландыру саласындағы заманауи үрдістерді жүйелі түсінуді қалыптастыруға, сондай-ақ зерттеу құзыреттерін нығайтуға ықпал етті.