«Tashkent International Marathon 2026» ОҚМА командасы қатысты

«Tashkent International Marathon 2026» 5 сәуірде Ташкент қаласының дәл ортасында өтіп, жыл сайын әлемнің түкпір-түкпірінен жүгіру әуесқойларын біріктіретін елдің нағыз визит карточкасына айналды. Марафон 2019 жылы құрылып, содан кейін ол тез арада халықаралық деңгейге көтерілді және бүгінде World Athletics күнтізбесіне ресми мәртебесі бар беделді жүгіру ретінде кіреді.
Наурыз мерекесі кезінде оның өткізілуі — жаңару, күш-қуат пен жаңа бастамалардың уақыты оқиғаға ерекше символдық сипат берді.
2026 жылы марафон 30-дан астам елден 15000-нан артық қатысушыны жинап, қаланы үлкен жүгіру алаңына айналдырды, онда әркім өзін шынымен үлкен және шабыттандыратын нәрсенің бір бөлігі ретінде сезінді. 
Марафонның басты ерекшелігі - керемет энергия мен бірлік атмосферасы. Старт күні бүкіл қала жүгіру ритағымен өмір сүрді: көшелер жабылды, мыңдаған адамдар қатысушыларды қолдауға шықты, ал жолдың өзі қаланың орталық және көркем аймақтарынан өтіп, аты аңызға айналған Humo Arena-дан басталды.

Марафонда кез келген дайындық деңгейіне арналған қашықтықтар қарастырылды:
• классикалық марафон (42 км), 
• жартылай марафон (21 км), 
• 10 км және 5 км жүгіру, 
• сондай-ақ балалар мен әуесқойлардың бастамалары.

Академиядан 10 км қашықтықта жүгіргендер:
• Ходжакулова Умида Абдывалыевна – докторантура және магистратура бөлімінің меңгерушісі, «Шұғыл медицина және мейіргер ісі» кафедрасының ассистенті;
• Турабек Мадина Айдарқызы - жастар саясаты бөлімінің меңгерушісі.

ОҚМА командасы өзінің жеке қатысуымен айналасындағыларды жүгіруге және белсенді өмір сүруге шабыттандырғысы келді, ұжымдағы бірліктің құндылығын көрсеткісі келді, бұқаралық спорттың дамуын қолдады және денсаулыққа назар аударды.
Біз академияны лайықты түрде таныстырған және өз мысалымызбен шынайы күш - қозғалыс, өзара қолдау және жаңа биіктерге ұмтылу екенін көрсеткен әріптестерімізді шын жүректен мақтан тұтамыз. 
Оларға шын жүректен жаңа жетістіктерде одан әрі жеңістер мен шабыт тілейміз!