«Үздік клиникалық жағдай» номинациясы бойынша жүлделі орынға ие болды
«Неврология, психиатрия, нейрохирургия және реабилитация» кафедрасының реабилитологтары 2026 жылдың 23 мамырында Алматы қаласында өткен «Физикалық медицина және реабилитацияның өзекті мәселелері» атты V мерейтойлық халықаралық ғылыми-тәжірибелік конференцияда ОҚМА-ны лайықты деңгейде таныстырды. Ерекше мақтанышпен хабарлаймыз: 1-курс реабилитолог-резиденті Есенгельдиев Б.З. ғылыми жетекшісі MD/PhD Асылбек Мейргүл Ысрайлқызының жетекшілігімен конференцияға белсенді қатысып, кәсіби қауымдастық тарапынан жоғары бағаланған клиникалық жағдайды таныстырды. Конференция қорытындысы бойынша Есенгельдиев Б.З. «Үздік клиникалық жағдай» номинациясы бойынша жүлделі орынға ие болды. Аталған марапат кафедраның тағы бір маңызды жетістігі болғанын ерекше атап өтеміз. Кафедра қызметі кафедра меңгерушісі, медицина ғылымдарының кандидаты, профессор Жаркинбекова Назира Асанқызының жетекшілігімен табысты дамып келеді. Оның кәсібилігі, белсенді ғылыми және білім беру қызметінің арқасында кафедра жоғары нәтижелер көрсетіп, ОҚМА-ны республикалық және халықаралық деңгейде лайықты таныстырып келеді. Резидентімізді, ғылыми жетекшіні және кафедра ұжымын лайықты марапаттарымен шын жүректен құттықтаймыз! Алдағы уақытта да толағай табыстар, жаңа ғылыми жетістіктер мен кәсіби жеңістер тілейміз!