Ыстамбұлдағы академиялық сапар: ынтымақтастықтың жаңа көкжиектері

2025 жылғы 28 шілде мен 11 тамыз аралығында Оңтүстік Қазақстан медициналық академиясының «Әлеуметтік медициналық сақтандыру және қоғамдық денсаулық» кафедрасының меңгерушісі, қауымдастырылған профессор Гүлзат Сарсенбаева Түркияның жетекші жоғары оқу орындарының бірі – Ыстамбұл университеті, медицина факультетінде академиялық ұтқырлық бағдарламасына қатысты.
Сапар барысында ол түрік әріптестерімен ғылыми пікірталастарға қатысып, алдын алу медицинасы мен денсаулық сақтау жүйесін ұйымдастыру мәселелері бойынша тәжірибе алмасты, сондай-ақ университеттің білім беру және зерттеу мүмкіндіктерімен танысты.
Ынтымақтастық нәтижесінде Ыстамбұл университетінің «Қоғамдық денсаулық» кафедрасының басшылығы «Оңтүстік Қазақстан медициналық академиясы» АҚ ректорының атына ресми алғыс хат жолдап, онда Гүлзат Сарсенбаеваның қатысуы мен халықаралық ғылыми өзара іс-қимылды дамытуға қосқан үлесі атап өтілді.
Бұл сапар «ОҚМА» АҚ мен Ыстамбұл университеті арасындағы байланыстарды нығайтудағы маңызды қадам болып, бірлескен жобаларды іске асыруға, ғылыми зерттеулерді дамытуға және медициналық білімді жетілдіруге жаңа мүмкіндіктер ашты.

Суретте: қауымдастырылған профессор, Қоғамдық денсаулық кафедрасының меңгерушісі Айше Емел Онал (Стамбул университеті, Стамбул, Түркия), қауымдастырылған профессор Қоғамдық денсаулық кафедрасынан Мерьем Мерве Орен Челик (Стамбул университеті, Стамбул, Түркия) және қауымдастырылған профессор, Әлеуметтік медициналық сақтандыру және қоғамдық денсаулық кафедрасының меңгерушісі Гүлзат Сарсенбаева (ЮКМА, Шымкент, Қазақстан).

Қауымдастырылған профессор Гүлзат Сарсенбаева (ЮКМА) және проф. д-р Севги Джанбаз (Стамбул университеті, медицина факультеті, қоғамдық денсаулық кафедрасы).

Қауымдастырылған профессор Айше Емел Онал (Стамбул университеті) және қауымдастырылған профессор Гүлзат Сарсенбаева (ЮКМА) Нобель сыйлығының лауреаты Азиз Санджар атындағы конференц-залда.