Фармакология, фармакотерапия және клиникалық фармакология кафедрасы

Фармакология, фармакотерапия және клиникалық фармакология кафедрасы

Оңтүстік Қазақстан медицина академиясының фармакология, фармакотерапия және клиникалық фармакология кафедрасы 1982 жылы құрылып, құрылған алғашқы жылдардан бастап клиникалық және эксперименттік фармакология саласындағы жетекші ғылыми және оқу бөлімшелерінің біріне айналды. 

Кафедраның негізін қалаушы және оның бірінші меңгерушісі профессор И.Ш. Забиров (1982–1993), Қазақстанда бірінші болып аурухана жағдайында «Клиникалық фармация» мамандығын енгізуге бастамашы болды. Оның ғылыми және оқытушылық қызметі клиникалық фармакологтардың жаңа мектебінің қалыптасуына және фармакотерапияның жетістіктерін аймақтағы практикалық денсаулық сақтау саласына енгізуге ықпал етті.

1994-2015 жылдар аралығында кафедраны медицина ғылымдарының докторы, профессор Н.Ж. Орманов – белгілі ғалым, 600-ден астам ғылыми еңбектің, 12 патенттік өнертабыстың, 6 монография және 18 оқу құралының авторы. Оның жетекшілігімен фармацевтика факультетінің студенттеріне арналған фармакология бойынша алғашқы жұмыс бағдарламасы жасалды, фармакология және фармакотерапия бойынша қазақ тіліндегі алғашқы отандық оқулықтар, оның ішінде «Фармакология» (2 томда, 2009 ж.) және «Фармакотерапия» (2 томда, 2009) іргелі еңбектері жарық көрді. Қазақстан Республикасы Білім және ғылым министрлігінің 11 ғылыми-техникалық бағдарламасының басшысы профессор Н.Ж. Орманов ғалымдардың галактикасын дайындады. Оның жетекшілігімен 6 докторлық, 32 кандидаттық және 16 масгитрлік диссертациялар қорғалды. Оның фармакологияның дамуына қосқан үлесі жоғары мемлекеттік және облыстық наградалармен атап өтілді – «КСРО өнертапқышы», «Қазақстан Республикасы денсаулық сақтау ісінің үздігі».

2015–2019 жылдары кафедраны медицина ғылымдарының докторы, профессор З.А. Керімбаева басқарды, ол өзіне дейінгі ғылыми-педагогикалық даму дәстүрлерін жалғастырды.

2019–2021 жылдары кафедраны клиникалық фармакология және фармакотерапия саласының маманы, м.ғ.к., доцент К.Е. Ахмадиева басқарды. Оның басшылығымен кафедрада практикалық денсаулық сақтаумен байланыстар белсенді түрде нығайтылды және дәрілік заттардың қауіпсіздігі мен ұтымды қолданылуына байланысты ғылыми бағыт дамыды. 

2021-2025 жылдар аралығында кафедраны фармацевтика ғылымдарының кандидаты, қауымдастырылған профессор Ж.С. Токсанбаева, оның жетекшілігімен кафедра клиникалық фармацевтика мен фармакологияның заманауи бағыттарын белсенді түрде дамытылды, инновациялық білім беру технологияларын енгізіліп, жаңа буын мамандарын даярлауға қатысты.

2025 жылдан бастап кафедраны фармацевтика ғылымдарының кандидаты, ғылыми-педагогикалық жұмыста үлкен тәжірибесі бар оқытушы А.Г. Ибрагимова басқарады. Оның кәсіби қызығушылықтары клиникалық фармакологияны, ұтымды фармакотерапияның заманауи тәсілдерін, фармакологиялық қадағалауды және дәрілік қауіпсіздікті қамтиды. Оның жетекшілігімен кафедра ғалымдарының алдыңғы буындары қалыптастырған дәстүрлерді жалғастырада, халықаралық білім беру стандарттарын белсенді түрде біріктіріп және клиникалық және эксперименттік фармакология саласындағы ғылыми зерттеулерді күшейтеді.

Бүгінгі таңда ОҚМА-ның фармакология, фармакотерапия және клиникалық фармакология кафедрасы іргелі зерттеулерді, клиникалық тәжірибені және халықаралық стандарттарға сәйкес кадрларды даярлауды біріктіретін ғылыми-білім беру орталығы болып табылады.